第八位中國商人同消失咗嘅海員 ｜ 利大英 著 ｜ 黃峪 譯 ｜ 手民 出版 ｜ 文學傳記系列 ｜ Vivienne Chow、唐睿、黃念欣、徐忠雄聯合推薦

利大英教授阿公虛構傳記

譜寫上世紀初中國海員流散英國嘅傳奇故事

粵英雙語對照版本

「中國商人」陳泉利喺1910年代初離開廣東，前往英國。佢喺英國經歷住1920、1930年代嘅反華種族主義，喺二次大戰期間，開咗間咖啡店兼賭館，當時嘅中國海員經常前去光顧。因着海員嘅愛國情緒，佢利用賭館為中國嘅抗日戰爭籌集資金。1945至1946年間，當時嘅英國工黨政府、內政部、特警、地方警察部隊同埋一間輪船公司聯合行動，強迫遣返所有喺英國嘅中國海員。呢次嘅反華行動一直被掩藏，五十年來未見天日。利大英根據佢阿公陳泉利既個人記憶，加上呢次遣返行動嘅政府資料，創作咗呢本自傳式嘅小說。喺小說入面，佢挑動讀者去思考，喺英國入面流散中國人長年遭忽視嘅歷史。

作者簡介
利大英

身為作家、廣播員及學者，利大英喺過去四十年間，不斷寫及同埋談及中國同「唐人街」。佢係蘇格蘭聖安德魯斯大學中國研究嘅創始教授，亦曾喺法國、美國、中國大陸同埋香港居住同工作。佢最近期嘅著作係《想像中嘅中國：從歐洲奇想到泱泱大國》（赫斯特，2018）。

書評 / 推薦

《第八位中國商人同消失咗嘅海員》既獨特又帶俾我哋驚喜，佢唔只探尋華人移民未為人知嘅故事，仲要用粵語華文嚟書寫——粵語華文喺華語研究入面長期受遺棄同漠視。地緣政治嘅困苦無日無之，呢部作品極合事宜，透過回望過去，為我們嘅當下提出洞見。 ──Vivienne Chow，文化藝術記者

呢本係一本敘事密度非常高，同埋充滿人文精神嘅小說。故事講述一位為咗推翻滿清而奔赴英國嘅革命者，喺佢同民國革命失諸交臂之後，被二十世紀上半葉一系列世界大事困鎖異鄉。小說嘅高潮之一，係對1946年英國政府強制遣返數百名華人海員呢段黑歷史嘅控訴。呢啲海員喺二戰期間，對英國嘅航運同物資供應貢獻良多，卻喺戰後被棄之如敝屣，但呢個實際上，卻只係小說主人公陳泉利，從晚清到民國，所見證到嘅複雜中英關係、同埋華僑喺英國所遭遇到嘅歧視同不公事件嘅一端。作者利大英講過︰「冇中國嘅世界就唔係世界，冇世界嘅中國唔可能再係中國。」而呢部通過華僑視角，以既憂鬱又間唔中穿插一啲幽默語調嚟敘述嘅小說，正好可以彌補一般人只係通過大歷史敘事，或者單從中英其中一方嘅歷史敘事，而對呢段時期嘅偏頗認知。 ──唐睿，香港浸會大學人文及創作系助理教授

利大英教授以傳記小說嘅方式，繼續佢逆想離散中國嘅學術旅程。粵英雙語版嘅《第八位中國商人同消失咗嘅海員》別開生面，以兩種想像嘅「鄉音」，記錄華人、愛爾蘭人、利物浦人嘅多重身份鏡像；為愛國、革命同反殖，寫下一頁唔可以忽視嘅情感注釋。 ──黃念欣，香港中文大學中國語言及文學系副教授

利大英阿公陳泉利曲折離奇嘅故事既係想像力獨特，亦喺二十世紀轉折時期廣為常見。故事關乎絕對唔妥協嘅意志，堅毅而決斷咁面對英國制度下種族主義嘅高牆；同時關乎一班中國海員，佢地喺二戰期間為英國人服務，但係又遭強制遣返中國，被迫離開佢地嘅家人。呢個故事關乎種族滅除──一段唔可以被靜音和遺忘嘅事蹟。 ──徐忠雄，《家鄉》作者，美國華盛頓大學英文系教授

作者：利大英 

譯者：黃峪

出版社： 手民出版社

出版日期：2022/07
語言：粵英雙語對照版本
ISBN：9789887416210
規格 : 平裝 /  180 x 130 x 18 mm / 212頁